هو حد لسه بيشترى طبليه فى جهازه !!!!

بسم الله الرحمن الرحيم

قد تكون واحداً ممن جلسوا يوماً على طبلية في بيت العيلة أو في الريف أو في رحلة إلى الصعيد.. أما إذا لم تكن كذلك، فأنت بالتأكيد تعرفها من أيام طبلية (سي السيد) أحمد عبد الجواد، أو طبلية العمدة في رائعة صلاح أبو سيف (الزوجة الثانية)، أو عندما استدعاها خالد يوسف في فيلمه الشهير (حين ميسرة) وكأنها دليل على فقر من يمتلكها!

فقديماً كانت العائلات تحرص على تناول طعامها على (طبلية) إيماناً بأنها تلم شمل الأسرة، فصغر حجمها لا يسمح بأن يكون هناك فوارق بين الجالسين ولا أن نضع عليها كثيراً من الأطباق مثل (السفرة)، ولذلك تتهافت أيدي أعضاء الأسرة جميعاً على طبقين أو ثلاثة، فتحدث البركة، فأجدادنا وآباؤنا دائماً ما كانوا يرددون قول الإمام علي، كرم الله وجهه، "تزاحم الأيدي على الطعام بركة"، فالطبلية كانت مقرونة بالبركة واللمة أكثر من ارتباطها بالفقر.

وككثير من عاداتنا وتقاليدنا اختفت الطبلية من شقق وبيوت المصريين، إلا قليلاً، إذ بات من يأكل عليها الآن لا يعرف شيئاً عن الـ"Dining room"، أو كأنه ارتكب جرماً فاحشاً في حق زوجته وأسرتها إذا لم يحضر في أثاث البيت (سفرة) بعشرين ألف جنيه لكي يستضيفا عليها الضيوف مرة كل 6 أشهر.
والشوك والسكاكين تبدا فى الظهور والطقم الميلامين الذى اتى مع الزوجه يوضع لاول مره

ياترى الاسره المصريه البسيطه المتواضعه
لسه موجوده ولا اختفت
علما بان الطبليه كانت موجوده فى الريف والمدن
اختفت من المدن وحاليا بدات تنقرض من الريف

انا غرضى من الموضوع
ياترى هل المظاهر بدات تغطى على كل حاجه حتى فى طريقه الاكل
ولا انتوا ايه رايكم
طبعا بعضنا مش كلنا

تسلم هنووووووون على الموضوع الرائع فعلا المظاهر بقت اهم حاجه فى حياتنا
بس برضو منقدرش ننكر ان التعامل بالطبليه صعب اوى
انا شوفت الطبليه وقعدت عليها عند جدتى ولسه محتفظيين بيها عندنا لحد دلوقتى

بجد ناقشت موضوع جميل ياهانى تسلم

فعلا الوقت ده المظاهر غطت على كل حاجه

انا عن نفسى المظاهر مش بتهمنى اوى اد ما يهمنى انى اعيش زى ما انا عاوزه ومرتاحه

بس يامون الطبليه التعامل بيها صعب فى ايه ؟ بتخلى الاكل يبوظ ولا يبرد بسرعه Very Happy

مش صعب ولا حاجه دى جميله وكلنا شوفناها وعارفينها وطبليه ولا سفره ولا على الارض حتى المهم الانسان يتزود فى اى وضع يرتاحله وسيبنا من المظاهر والكلام الفاضى ده

تسلم هنووون

والله الطبليه جميله جدا ومريحه

هى اختفت فعلا من معظم البيوت دلوقتى

والله انت عندك حق يا هنوون فعلالا بدات تنقرض لان المصريين بتوع زمان غير دلوقتي