اهو كله عادى

خلوا بالكم الكل متراقب
وانا اللى بينكم من ايديهم ياعم فالت
اقول اللى عاوزه واضرب واحدف بأى قالب
واقول ده راح ودوه جه وديه عادت وديه قالت
مش مصدق طاب قول وجرب
ولا حد يوم يعرف طريقك
ياعم بص طاب خد وقرب
طاب بس اهدى وبل ريقك
اقولك ايه وانا خوفى اكبر
من حب بلدى وعز نفسى
ولا عزه تنفع ولا حتى اقدر
غير بس ابص بعينى واسكت
ماهو كل حاجه بقت زى عاده
اتهان واهرب واهو كله عادى
عادى جدا لما الاقى عربى زيى
وفى ضهرى يضرب
وعادى جدا لما اولى
واخاف واجرى وبسرعه اهرب
ياعم اسكت سد نفسك
ما قلنا كل حاجه عادى
عادى لما اتهان فى بلدى
وعادى لما اتهان فى غيرها
ياعم كبر وطنش وعدى
واهى كل حاجه زى غيرها
عدى عدى اهو كله عادى
عادى بردو لما اخد ضربه تقسم
وتكسر ضلوعى مش بس توجع
اخوك بيغدر اخوك بيخدع اهو كله عادى
عادى جدا بس نفهم اننا اخوات واخوه
بس مش عادى لما تعمل ياحاج صفقه ويا الاعادى
اللى ربك قال عليهم احذروهم دول اعادى
احذروهم لا تستأمنوهم واحنا بكل سهوله عادى
عادى لما تضرب وتجرى وتنكت وتهرى
ومستنى تاخد حقك انت من عين اخوك
طاب سيب اخوك وشوف انت بس اللى بيضربوك
لما تيجى الضربه من عدو غادر بايد اخوك
عادى جدالما تضرب اخ ليك
حتى يفرح اللى كان بايد اخوك بكل عزمه بيدى فيك
لو كنت اقولك كله عادى وولا عندى فكره
وانى بجرى وانى بهرب
فانا قصدى انى بهرب لاخويا
ولا عمرى اضرب اخ ليا بايد عدوى



ويارب نفهم ايه اللى عادى وايه اللى مش عادى

شكرا على مرورك ياهانى