طبعا احب اطمنكم انى عملت الاكله دى وقت زهق وقعدت الخبط كعادتى بس اتصدمت فى الاخر لانها طلعت جمييييييييييييييييييييييييييله اوى
ومش عارفه اسميها ايه قلت شاورما اهو يبقالها اسم
ندخل فى الموضوع وياريت ياهانى انت ومون تثقوا فيا انا عملتها واكلت منها ومش جرالى حاجه والله
المهم
خمس قطع لحمه مسلوقه عادى كده كاننا بنسلقها عادى فى الشوربه ببصل وطماطم وعليها فلفل اسمر وبهارارت وكده
وحمص شام مسلوق بردو قيمه كوبايه كده
واتنين مكعب مرقه دجاج
ونص ليمونه كبيره
وفلفله حراقه
وتلاته بصله متوسطه
ومسلى بلدى
ونص كوب ماء
الطريقه بقا
نقطع البصل ترنشات حلقات يعنى ونحطه فى الاناء وياريت يكون تيفال ونحط عليه المسلى البلدى
وبعدين نقلبهم على النار لغايه البصله ماتصفر كده
وبعدين نقطع الفلفله الحراقه عليهم ونحط بعد كده الحمص الشام
وبعدين نحط مكعبين المرقه
ونقلبهم جامد على النار
لغايه ما نحس ان لون الحاجات دى كلها بقا متجانس
وبعدين نكون مقطعين قطع اللحمه نفتتها خالص ونحطها عليهم
ونقلبهم كتير ونعصر نص الليمونه عليهم ونقلبهم كتير شويه لغايه ما يتجانسوا مع بعض
وبعدين نحطلهم ربع كوب ماء ونقلبهم ونسيبهم عشر دقايق على نار هاديه
وبعديييييييييييييين بالهنا والشفا
مش عارفه اذا كانت دى وصفه موجوده ولا انا بخترع
وياريت تجربوها وتقولوا رايكم فى اختراعاتى
واى حد يحتاج حاجه فى الاكل يسالنى انا مون كل يوم بتعلمنى حاجه هيا تعلمنى وانا اقولكم