هو ده اللى بيفرحك....

اهم خمسين حاجه بتفرح المواطن المصري
** امتى المصري يكون رايق ومبسوط **

لما ماكينه ATM تسحب بالغلط فلوس اكتر من اللي طالبها

لما حد ما يعرفهوش ويقول كلمه حلوه في حقه

لو طلع في التليفزيون .. او لو اسمه انتشر في الجرنال "حتى لو كان منشور ضمن اسماء اقارب المتوفي ".

لما يلاقي عرض مجاني في اي حته

لما يقرا مانشيت ضد الحكومه ويفش غله منها

لما يلاقي مواصله رايقه اول ما يقرر يروح

لما يقدر يصلح حاجه بايظه عنده بنفسه ومن غير ما يحتاج لصنايعي

لما حد يجيب له وصله دش "حرامي دش " ب20جنيه في الشهر

لما القناه الاولى تذيع في السهره يوم الخميس فيلم جديد

لما يلاقي حد يخلص له شهادات المخالفه

لما يشرب سجارتين حلوين مع اصحابه

لما يلاقي شغل او يطلب في شغل

لما المدير يبعت له في مكتبه ويقول له "انا مبسوط منك"..بس

لما يسفر ابوه وامه لحج

العدل يفرحه اوي ويعمل فرح لو كسب القضيه اللي رافعها على صاحب البيت

لو حد في الشارع سأله على عنوان يعرفه .. ويفضل يوصف له العنوان بالتفاصيل وبمنتهى الثقه والسعاده .. بل انه ممكن يروح معاه لحد هناك .. ولو سايق تاكسي وعارف العنوان اللي انت بتسأل عليه سيقول لك بأبتسامه وقور "تعالى ورايا"

لو حد في الشارع ما يعرفوش طلب منه سيجاره .. يعزم عليه بالعلبه كلها وهو مبسوط .. ويولع له كمان .

لما ربنا يرزقه ب "عيل"

لما امه تدعي له من قلبها

لما يجي عقد له من الكويت

لما يكون معزوم في فرح واحد صاحبه

لما امين الشرطه يسيب له الرخص ب5جنيه

اول الشهر ... وهو خارج من الخزنه وجيبه مليان ومتأمن ولو لمده اسبوع بالكتير

لما يلاقي حاجه عليها تخفيضات او اي حاجه مكتوب عليها "3بسعر2"

لما يقضي مهمته بنجاح في اي مصلحه حكوميه .. في يوم واحد ,بأقل قدر من حرق الدم

يوم ماتش الاهلي والزبالك .. يفضل طول اليوم عنده شعور بنشوه اقتراب ميعاد اذاعه المباراه .. وعلى نهايه الشوط التاني تزداد بهجته . لو كان اهلاوي . او يمتعض بقوه لو كان زملكاوي

لما يلاقي مكان يركن فيه وهو في وسط البلد " صف اول ويا سلام لو من غير سايس وبعيد عن الكلابشات "
ودي نسبه حدوثها مثل نسبه اعتذار الحكومه عن غلطتها في العمل

لما يقدر يضحك اللي قدامه "صاحب او عدو او زوجه او حتى واحد ما يعرفهوش في الميكروباص"

لما يحس انه ناصح ونجح في انه يفاصل في سعر حاجه وخدها بالسعر اللي قاله في الاول .. "مع انه عارف كويس ان البياع كسبان كسبان"

لما يخش جمعيه ويقبضها اول واحد

لما يقعد في مكان مليان بنات

لما يصالح اتنين متخانقين على بعض

لما حد من قريبه يخش كليه الشرطه حتى لو كان " خطيب بنت خاله جوز عمة مامته ! "

لما يسدد الديون اللي عليه .. او لما يخلص اقساط التاكسي او الميكروباص او حتى التلاجه

لما يقضي مصلحه لواحد غيره .. خدمه يعني

لما يحس انه تعبان ويروح يكشف والدكتور يقول له "دا بس شويه ارهاق"

لما تكون في واحده مزهقاه وتحل عن دماغه

لما واحد صاحبه يدي له cd عليها فيلم "لمحمد سعد" او مسرحيه "لعادل امام " او الاعمال الكامله "توم وجيري"

اكله حلوه .. شويه خضار وحتيتين لحمه ورز بالشعريه وشوربه ولسان العصفور

لما يصحى براحته .. يوم الجمعه
******



دمتم يارب بكل خير وسعاده

تسلم الايادى