أهلاً وسهلا بك بين اخوانك واخواتك
آملين أن تلقى المتعة والفائدة معنا
نتمنى أن نراك بيننا
هنـــووون
أهلاً وسهلا بك بين اخوانك واخواتك
آملين أن تلقى المتعة والفائدة معنا
نتمنى أن نراك بيننا
هنـــووون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
اي روابط مــــــــرفوعه على موقع الرفع ميجا اب لود Mega upload لن تعمل لانه تم غلق موقع الرفع لاسباب غير معروفه لذلك ننوه ان الروابط لن تعمل معكم لذلك تم التنويه وشكرا .........
طلعيها من الكيس البلاستيك وبعد كده حطيها في حلة وحطيها في التلاجة على الرف اللي تحت الفريزر لمدة أربع ساعات وبعد كده هاتي كيس بلاستيك ناشف وحطيها فيه وفرغي أي هواء في الكيس واقفليه كويس وشيليه في الفريزر.. نفس الشيء ده هتعمليه مع اللحمة المفرومة.
بعد ما تروحي البيت على طوول طلعي السمك من الكيس بتاعه وابدئي في تنظيفه كويس.
ودي طريقة تنظيف السمك:
1. امسكي وسط السمكة وقشري جلدها باتجاه الرأس بسكين أو بحافة سكين غير حادة.
2. قصي الزعانف بواسطة مقص حاد. شقي جانب السمكة بسكين حادة كبيرة من أسفل رأسها حتى بداية ذيلها وتأكدي من أنها قد شقت جيداً من الداخل شيلي الأمعاء ونظفي بطن السمكة كويس.
3. بعد كده ابدئي في تنظيف السمك بالميه الباردة وبأكد بالميه الباردة وبعد كده حطيه في مصفاة وسيبيه علشان يصفي ميته وحطيه في كيس بلاستيك ناشف وشيليه في الفريزر.
عند الاستخدام طلعية من الفريز وضعية فى شوية ماء بالخل واشطفية وضعية فى مصفاة
أحسن طريقة لحفظ الخضروات الورقية في الثلاجة طازجة لأطول فترة ممكنة هي إنك تلفيها في فوطة نظيفة وبعد كده تحطيها في كيس بلاستيك وتحطيها في التلاجة. لو الكمية كبيرة احضرى شوال من الخيوط ( ذى اللى بيكون فية القطن ) وتبللية جيدا بالماء وتضعية داخل علبة بلاستيك عميقة وترصى الخضرة وتلفيها بباقى الشوال هتفضل نضرة وقت طويل [ندعوك للتسجيل في المنتدى أو التعريف بنفسك لمعاينة هذه الصورة]
لو كانت الطماطم طرية يبقى اغسليها كويس وبعد كده قطعيها واضربيها في الخلاط لغاية ما تبقى عصير بعد كده صفيها وحطيها في أكياس نايلون ناشفة وحطيها في الفريزر لحين الاستخدام.
او ضعيها فى الفريزر سليمة ولما تجمد اخرجيها وخليها تتصفى من المية اللى هتنزل منها وبعدين هتتقشر بسهولة معكى وبعدين اضربيها فى الخلاط وضعيها فى اكياس بلاستيك على حسب الطبخة فى الفريزر
لكن لو كانت الطماطم جامدة يبقى حطيها في مصفاه وحطيها في التلاجة زي ما هي.
هاتي البامية اللي إنتي عايزة تجمديها واغلسيها كويس وبعد كده حطيها في مصفاه علشان تتخلص من أي ميه فيها....
بعد كده هاتي السكينة وابدئي في تقميع البامية بإنك تشيلي الجزء العلوي منها بشكل هرمي واوعي تقطعيها من النص أو من الطرف لأن ده ممكن يخليها تنزل العصارة اللي فيها.
بعد كده اغلي ميه وحطي عليها نصف ليمونة ومعلقة ملح بعد كده حطي فيها البامية لمدة خمس دقائق وبعد كده شيليها من الميه المغلية، وحطيها في مصفاة وافتحي عليها الحنفية بميه باردة بعد كده سيبيها شوية علشان تصفي الميه اللي فيها...
بعد ما تتأكدي إنها مبقاش فيها ميه نهائي هاتي كيس نايلون وحطي فيه البامية بس خدي بالك وإنتي بتحطيها إنك تفرغي الكيس من أي هواء بعد كده اقفلي الكيس كويس وحطيه في الفريزر..
هاتي البسلة وفصصيها واغسليها كويس وحطيها في المصفاة.
بعد كده هاتي حلة كبيرة فيها ميه وضيفي ليها معلقة كبيرة ملح وسيبي الميه تغلي على النار بعد ما تغلي ضيفي إليها البسلة وسيبيها لمدة 5 دقائق بعد كده حطيها في المصفاة واغسليها على طول بميه باردة من الحنفية وده علشان تحافظي على لونها الأخضر وعلى القيمة الغذائية اللي فيها.بعد كده سيبيها شوية علشان تصفي الميه اللي فيها...
بعد ما تتأكدي إن مابقاش فيها ميه نهائي هاتي كيس نايلون وحطي فيه البسلة بس خدي بالك وإنتي بتحطيها إنك تفرغي الكيس من أي هواء، بعد كده اقفلي الكيس كويس وحطيه في الفريزر... ونفس الشيء مع الفاصولياء..
هاتي ورق العنب واغسليه كويس وبعد كده حطيه في ميه مغلية لمدة 3 دقائق وشيليه منها وحطيه في مصفاة يصفي ميته ويبرد بعد كده لفيه في فوطة ناشفة وحطيه في أكياس نايلون بس برضه اتأكدي إن الكيس مفيهوش أي أثر للهواء وبعد كده حطيه في الفريرز. او رصصية بدون غسيل وهو اخضر فوق بعضة وضعية فى الفريزر وبعدين عند الحاجة طلعية فى ماء مغلى علية نقطة زيت 3 دقائق ثم اشطفية جيدا
هاتي الملوخية وقطفيها واغسليها كويس وحطيها في مصفاة علشان تصفي ميتها كويس وبعد كده خرّطيها وحطّيها في شوية شوربة مغليين كويس ( فنجان صغير على النصف كيلو ) ثم توضع فى أكياس نايلون ناشفة وحطيها في الفريزر.
دول مش محتاجين إنك تحطيهم في التلاجة لأنك ممكن تحطيهم في مصفاة وتحطيهم في أي زاوية من زوايا المطبخ.. او ممكن فرم الثوم بعد تقشيرة مع شوية ملح ويوضع فى برطمان محكم ويوضع فى فريزر الثلاجة (ملحوظة هامة لا تضعى الثوم المفرى فى الديب فريزر لانة بيكرف بسرعة موش عارفة لية فى الديب فريزر بالذات )
يا ريت تحتفظي بالبهارات في مكان جاف؛ لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.
علشان كده يا ريت ما تخزنيش الأعشاب والبهارات الجافة بالقرب من أفران الغاز أو المايكروويف أو أي مصدر للحرارة أو الرطوبة زي أجهزة غسل الصحون وغلايات الماء.
وخليكي دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام أو اتنين.
بالنسبة لياميش المشمشية والتين المجفف والمكسرات ممكن تحيطهم في أكياس وتحطيهم في التلاجة. المكسرات احمصها كويس واضعها فى علب محكمة فى الثلاجة وكذلك اضع جوز الهند والزبيب فى الثلاجة